影片
更多
2016-02-08
3503 浏览
最近，其中一个表姨甥女搬咗屋，其实喺长沙湾搬去长沙湾，只不过街头去咗街尾，乘机贺佢乔迁兼聚一聚讲吓近况，所以，呃番一餐饭食。Choo Choo话就话地址晌顺宁道，查实铺面开晌转角嘅昌华街。好彩，事前表姪女话搭咗棚𠮶间，所以，一转角就见到。一离开青山道，入到内街就好静，不过，估唔到入到店内却有唔少客㖞，其实，Choo Choo属小店经营，全场都喺得25个位，都几易爆，所以，有心嚟嘅话，最好订定位就稳阵啲。“Choo Choo”就喺蒸汽火车起动时所发出嘅呜呜声，所以，你就会发觉全店就喺以蒸汽火车为主题，两旁嘅电视屏幕营造出窗外嘅风景（事后先知喺店主旅行时所拍），而「车窗」更架设幕帘、行李架，甚至大件、细件行李在其上，绝对一丝不苟扮得似模似样，加点幻想让人犹如置身火车中用餐。就连上到二楼嘅洗手间都有挂起啲旅行地图，洗手盆之上都加插一张黑白嘅世界地图。是晚仍然天寒地冻，但一坐低店员就送上两杯热水，实在窝心。枱上「布拉格」小蜡烛杯，精致美丽，柔柔烛光更添几火暖意。餐牌共有两页，好似无咗晚餐供应，因为嚟之前睇过其他人嘅食评做参考。此外，餐牌以食材嚟分类from the Land、from the
一离开青山道，入到内街就好静，不过，估唔到入到店内却有唔少客㖞，其实，Choo Choo属小店经营，全场都喺得25个位，都几易爆，所以，有心嚟嘅话，最好订定位就稳阵啲。
“Choo Choo”就喺蒸汽火车起动时所发出嘅呜呜声，所以，你就会发觉全店就喺以蒸汽火车为主题，两旁嘅电视屏幕营造出窗外嘅风景（事后先知喺店主旅行时所拍），而「车窗」更架设幕帘、行李架，甚至大件、细件行李在其上，绝对一丝不苟扮得似模似样，加点幻想让人犹如置身火车中用餐。
就连上到二楼嘅洗手间都有挂起啲旅行地图，洗手盆之上都加插一张黑白嘅世界地图。
是晚仍然天寒地冻，但一坐低店员就送上两杯热水，实在窝心。枱上「布拉格」小蜡烛杯，精致美丽，柔柔烛光更添几火暖意。
餐牌共有两页，好似无咗晚餐供应，因为嚟之前睇过其他人嘅食评做参考。此外，餐牌以食材嚟分类from the Land、from the Sea，Crab up……等等主菜菜式，唔会好似一般餐厅咁有餐汤、沙律、头盘……等等，所以食物种类唔算多，亦都有少少焗限。
香辣萝勒叶酱炒鱿鱼圈意大利面 $108个意粉都几辣吓，所以，餐牌上俾多只辣椒公仔都不为过，但的而且确辣得刺激惹味，又有唔少萝勒香。鱿鱼圈柔韧有咬口，最有趣喺意粉用上一般意粉及墨鱼汁意粉，而意粉煮出嚟个韧度啱啱好，好有咬口，不过，个人而言，略嫌有少少油，虽然都只不过喺橄榄油而已，但落少一点会令个感觉更好。
牛肩胛配露笋黑松露波特菇 $198好钟意佢只「碟」，树木形连埋啲年轮，好有原始味道，所以，卖相亦唔花巧，催向基本。牛肩胛扒几大件，面面刨上香草牛油，慢慢咁溶化，充满香汽；而牛肩胛烧得恰到好处，色泽粉嫩，食落果然富牛肉香，唯未有想像中咁软腍，不过，亦算好食。
反而更爱配菜嘅露笋仔及波特大菇，前者爽口无渣，后者菌香味浓，再者，肉汁与牛油渗进其中，味道更香。
店中有3款甜品供应：Scenery In Glass、L.J.K.、Gold Rush，单睇名字及其成份组合，虽然定价实在唔平，但都非一般大路嘅芝士饼、慕丝蛋糕，每款都感受厨师嘅心思及创作。我哋拣咗个平平嘅Scenery In Glass一试，睇睇质素如何！
Scenery In Glass $78当厨师捧出以鸡尾酒杯盛载嘅Scenery In Glass出嚟向我哋解释当中成份时，原来，其中嘅威士忌泡沫喺后加，故小弟未影得彻之前嘅模样。眼前嘅甜品，就喺唧上威士忌泡沫及加上红桑莓干嘅成品，内里仲包括由下而上嘅大豆意式奶冻、热情果浆及芝麻脆饼（餐牌原先喺用上花生金宝）。一羹过插到底试晒几样食材唔容易，但其实，每个部份都做得唔错，奶冻够挺有豆香，热情果浆酸香鲜活，脆饼脆香满满芝麻味，威士忌泡沫轻盈带酒香。
Mango Banana $48以芒果及香蕉打造嘅果汁，由于无沟水，所以，表姨甥女话饮落几似奶昔，不过，由于无加过其他嘢，所以，果香味重，尤以芒果味较为突出，饮落亦会渗出香蕉味。
Mango Banana
$48
102 浏览
3 赞好
0 留言
佢哋嘅鲜奶咖啡冲调得唔错，甚有水准，无需要加糖，入口平衡顺滑，浓缩咖啡跟奶泡都唔会各自为政；拉花拉得细腻标致，就喺额外奖励。
后话：依家仲有无蒸汽火车？喺有架，小弟有幸早年去澳洲旅行，就晌墨尔本市郊坐过一次「普芬比利蒸汽火车」Puffing Billy（www.puffingbilly.com.au）游一小段丹顿农山脉，喺一段非常有趣嘅体验。晌片段中小弟都有出镜架，不过，距离有啲远，相信应该揾我唔到。
Choo Choo做嘅菜式，几有新意，而且，环境几有特色，不过，以长沙湾依等旧区而言，会俾人觉得定价有点偏高，但只以做到质素，相信仍然好有竞争力。
张贴
