心裡有素 (已結業)

出街食多数都大鱼大肉，食到肠胃都唔系咁好，又懒得煮嘅情况底下，我都会选择食素清一清肠胃，呢间系食素食自助餐，有好多唔同食物嘅种类选择，索价合理，而且经常送赠饭盒给附近有需要嘅人，十分有意义👍🏻。沙律吧有我钟意食嘅生果，重点系粟米粒唔系罐头粟米，而系原条粟米再拆粒，口感截然不同👍🏻冷盘方面我会比较喜爱左下角嘅桂花蜜蕃茄，蜜糖嘅香味应该冇人可以抵挡，再加埋淡淡的桂花香、清爽嘅蕃茄，果然系绝配💕素碗仔翅非常够味，口感适中，唔会过于浓稠，十分足料好味道👅食物嘅种类非常多，当中会比较欣赏蕃茄炒蛋，酸酸甜甜非常开胃，系自己煮唔出嘅味道，细问店员之下，原来佢嘅独家秘技就系落咗千岛酱🤩 另外饮品方面，都有一啲提供到养生嘅功效，平时唔多爱陈皮嘅味道，都忍唔住要饮两至三杯😬甜品方面，需要like左指定嘅post再请店员安排，有两种口味，如榴梿控如我，当然会比较喜欢榴梿味，口感非常清爽，唔会过甜，为呢一餐画上完美嘅句号😍