貓啡 (已搬遷) 新店位置

今次係第一次係去貓貓Café，主要係比阿女接觸小動物同貓貓玩。環境非常舒服，走溫馨柔和風格，貓貓同人都可以周圍走，周圍玩，Café入面有成三十幾隻貓貓，全部都好乖，阿女摸佢地都無問題。貓貓Café主打當然係貓貓，不過餐飲方面都唔錯。我地點左兩個套餐，各有一個小食，一個主食同一杯飲品。我地當晚既小食係炸薯角，主食方別係招牌蒜香蟹肉明太子闊條麵同意式雜錦辣肉腸薄餅，飲品點左菠蘿沙冰和玫瑰荔枝椰果梳打。炸薯角即叫即整夠晒酥脆，意式雜錦辣肉腸薄餅同樣係熱辣辣新鮮出爐，蒜香蟹肉明太子闊條麵果然係招牌菜，充滿醬汁同蟹肉，睇落好似唔多，但其實份量OK，菠蘿沙冰和玫瑰荔枝椰果梳打甜度適中，個人比較鐘意玫瑰荔枝椰果梳打。對阿女黎講呢個係一個全新既體驗，每一刻都充滿了發現新事物既驚喜。對我地黎講都係一次與家人共度的寶貴時光，留下了難忘的回憶。