貓啡

营业中

休息中

今次系第一次系去猫猫Café，主要系比阿女接触小动物同猫猫玩。环境非常舒服，走温馨柔和风格，猫猫同人都可以周围走，周围玩，Café入面有成三十几只猫猫，全部都好乖，阿女摸佢地都无问题。猫猫Café主打当然系猫猫，不过餐饮方面都唔错。我地点左两个套餐，各有一个小食，一个主食同一杯饮品。我地当晚既小食系炸薯角，主食方别系招牌蒜香蟹肉明太子阔条面同意式杂锦辣肉肠薄饼，饮品点左菠萝沙冰和玫瑰荔枝椰果梳打。炸薯角即叫即整够晒酥脆，意式杂锦辣肉肠薄饼同样系热辣辣新鲜出炉，蒜香蟹肉明太子阔条面果然系招牌菜，充满酱汁同蟹肉，睇落好似唔多，但其实份量OK，菠萝沙冰和玫瑰荔枝椰果梳打甜度适中，个人比较钟意玫瑰荔枝椰果梳打。对阿女黎讲呢个系一个全新既体验，每一刻都充满了发现新事物既惊喜。对我地黎讲都系一次与家人共度的宝贵时光，留下了难忘的回忆。