影片
更多
2016-07-02
628 浏览
系附近做完facial，肚仔饿饿地，落雨湿湿又唔想行咁远。咁岩俾我见到对面开左呢间内Mango X'press，医左肚先算，哈哈 XD特调蓝蝶芒果露 $26先黎一杯特调蓝蝶芒果露，好特别既颜色，又蓝又黄。开头以为蓝色系用色素整成，好奇之下问左店员，原来蓝色系蓝蝶既花液，绝对天然。因为加左梳打水既关系，杯野酸酸甜甜，加埋细细粒既奇丫籽，饮落去好凉，好爽。炸鸡并花枝丸(双并) $34由于系新鲜即炸既关系，所以店员落单果阵已经提左我，需要D时间等等。开头黎到见到上面满满既黄色酱，心谂死喇，我唔食芥末架㖞。但系既然黎到，无理由而家先叫人走酱，硬住头皮食左粒。咦！个味咁得意既！少少芥末味，但系又唔会话好重，连我呢D唔食芥末既人都接受到WOR。原来系芥末沟左芒果汁，又几好食㖞。炸鸡够嫩，鸡肉仲好有肉汁。而个花枝丸口感好弹牙，仲有粒粒花枝提升咬口 芒果绵绵冰 $52临起行之前，叫多左个芒果绵绵冰，皆因见到 "配爱文冰淇淋"。之前系其他舖头食过爱文芒，已经知道系无得输。好大杯芒果绵绵冰，爱文雪糕、爆珠、海藻珠，仲有加厚版河粉。阵阵芒果香味，细滑绵绵冰，每啖都有香甜芒果味，爆珠同海藻珠都增加左
特调蓝蝶芒果露 $26先黎一杯特调蓝蝶芒果露，好特别既颜色，又蓝又黄。开头以为蓝色系用色素整成，好奇之下问左店员，原来蓝色系蓝蝶既花液，绝对天然。因为加左梳打水既关系，杯野酸酸甜甜，加埋细细粒既奇丫籽，饮落去好凉，好爽。
炸鸡并花枝丸(双并) $34由于系新鲜即炸既关系，所以店员落单果阵已经提左我，需要D时间等等。
开头黎到见到上面满满既黄色酱，心谂死喇，我唔食芥末架㖞。但系既然黎到，无理由而家先叫人走酱，硬住头皮食左粒。咦！个味咁得意既！少少芥末味，但系又唔会话好重，连我呢D唔食芥末既人都接受到WOR。原来系芥末沟左芒果汁，又几好食㖞。炸鸡够嫩，鸡肉仲好有肉汁。而个花枝丸口感好弹牙，仲有粒粒花枝提升咬口
芒果绵绵冰 $52临起行之前，叫多左个芒果绵绵冰，皆因见到 "配爱文冰淇淋"。之前系其他舖头食过爱文芒，已经知道系无得输。
好大杯芒果绵绵冰，爱文雪糕、爆珠、海藻珠，仲有加厚版河粉。阵阵芒果香味，细滑绵绵冰，每啖都有香甜芒果味，爆珠同海藻珠都增加左口感。令外不得不赞个底，椰汁加上加厚版河粉，淡淡地，但系同上面既芒果完全无半点遗和感。成杯绵绵冰每一样都好夹，好丰富
张贴
