Mango X'press (已結業)

尖沙咀厚福街系揾食既好地方，今日经过目到呢间就开张既店舖，主打外卖甜品饮品。睇餐牌先知道原来系MANGO CHACHA既外卖店。MANGO XPRESSO($68)MANGO XPRESSO 以店名命名，下面是三种口味既汽水，每层试左味可以再搞晕佢试第4种味，上面由爱文芒果雪糕及松饼组成，雪糕十分软及芒果味十分浓，而松饼亦做到十分松软配合雪糕一齐食十分好味，如果食到觉得甜又可以饮下面既汽水，重新刺激味觉，装既电同野饮既樽连成一体，可以一路行一路食都可以好方便。芒果绵绵冰($52)芒果绵绵冰上面一大旧芒果雪糕十分软及芒果味十分浓，中间就系芒果味既绵绵冰。冰做到十分软绵，入口即溶好似棉花糖咁，下面仲有爱文芒果粒十分甜美，加上少少软糖增加左食果阵既口感。最底层仲有长方形既河粉，可以话系用料十足，而且整体既味道同埋口感都配搭得十分出色。