麗香園冰室 (大窩口商場) (已結業)

休息日朝早落大窝口买𩠌，返来想食埋早餐，平时去开红茶，见商场开咗开咁怀旧名称的丽香园，纠结咗一阵，终于选择咗试新嘢，结果系失败的决定。我系铺头外面见仲有一个卡位，于是行入去坐低，位置系最入，我一坐低就有服务员拎杯水摆低，然后行开做其他嘢。我睇咗下餐牌，想试下传统的沙爹牛肉面啦，于是拎住餐牌举手fing 咗大约2-3分钟，完全冇人搔我。此刻是早上大约八时半，不是很忙，服务员有帮其他客落单，迟过我入嚟嘅都招呼好落埋单，其间拎水俾我果位服务员有望到我摇餐牌并有眼神接触，她当时帮其他客落紧单，咁我以为她阵间会行过嚟。点知我见她落完单就行咗去倒水杯、去抹台，做埋啲杂七杂八嘅嘢，反正都系冇人理我。其他人都系做自己嘢，企喺度，昂居居望住门口，行行企企，又唔系好忙，反正冇人理fing 紧餐牌左望右望求落单的我。晨早流流，唔想劳气，于是我放低餐牌离场。我离场果阵，收银又系昂居居企响度，楼面又系昂居居企响度。