蛋藝工房 (已結業)

好耐冇嚟天水围新北江商场，我觉得佢系一个另类杂乱型商场，如果有心机慢慢行，有时都会有啲好嘢。今日我就有新发现了，一间刚新开2个月，走文青路的小店「蛋艺工房」。店子不大，坐位不多决定外卖。恰好下午茶时间，选了6吋「蜜汁豚肉墨西哥pizza」跟餐热椰奶（$40）。然后再加码要多个「黒松露野菌炒滑蛋饭」（$50），加＄14试埋个齐茶。打开Pizza盒，香到连猫咪都忍唔住要过嚟食埋一份。Pizza 不弱，估唔到批底超脆，酱汁似是千岛酱汁加义烧，食落居然又几夹。餐饮热椰奶很香甜。「黒松露野菌炒滑蛋饭」，蛋果然是主打，很有惊喜，珍珠米饭已很香，炒蛋超滑，配埋秘制酱汁及黒松露冇得输。「齐茶」港式奶茶味道，奶茶浓滑，不错！店虽小，仍然准备迎接圣诞，设计多款派对美食，还有cup cake。要开party叫到会，大家又有多个新选择了！留意店舖较细小，堂食坐位不多，外卖约等十分钟左右。最后还发现加＄5可以配一份莞茜加入炒滑蛋内，啱我劲爱莞茜人士，下次一定要试。