影片
更多
2022-09-24
81 浏览
餐厅最初位于中环，餐厅老板为咗能与爱蚝之人有个地方继续聚首，于是辗转开到上环文咸西街，同老板倾开，佢地嘅宗旨系为顾客带嚟世界各地最顶级嘅生蚝，并教育佢哋最安全嘅食法，老板介绍咗英国开蚝法，会将带子位切开后将原只生蚝反转，因为通常蚝嘅底部比较易感染，反转咗之后就可以确保新鲜，细致到连开蚝都咁讲究，睇嚟今晚无去错地方。先嗌两杯酒热吓身先，BLACK COTTAGE SAUVIGNON BLANC 酒体呈淡黄色。充满新鲜醋栗、百香果、青苹果、柑橘同香草嘅意味，带有清爽嘅余韵。MANZONI MOSCATO ROSE NV，呢款玫瑰气泡酒最早诞生于1900年代初，系全球最畅销嘅气泡酒品牌，入口甜滑高雅，口感圆润，以玫瑰嘅香气为特征，香气持久，伴随著樱桃、成熟柑橘嘅果香同鼠尾草嘅辛辣味，味道层次丰富细致。第一只系日本蚝，蚝味比较清淡，口感清爽，作为开头就最好不过。第二只系 Saldanha Bay，嚟自南非萨尔达尼亚湾，萨尔达尼亚湾三面环海且水质清澈，出产嘅野生生蚝自然肥美厚肉，蚝味较为淡口，海水味淡但清甜，肉质爽脆，余韵甜味丰富。第三只系 Sentinelle，嚟自法国西南部嘅 Marenne
餐厅最初位于中环，餐厅老板为咗能与爱蚝之人有个地方继续聚首，于是辗转开到上环文咸西街，同老板倾开，佢地嘅宗旨系为顾客带嚟世界各地最顶级嘅生蚝，并教育佢哋最安全嘅食法，老板介绍咗英国开蚝法，会将带子位切开后将原只生蚝反转，因为通常蚝嘅底部比较易感染，反转咗之后就可以确保新鲜，细致到连开蚝都咁讲究，睇嚟今晚无去错地方。
先嗌两杯酒热吓身先，BLACK COTTAGE SAUVIGNON BLANC 酒体呈淡黄色。充满新鲜醋栗、百香果、青苹果、柑橘同香草嘅意味，带有清爽嘅余韵。
MANZONI MOSCATO ROSE NV，呢款玫瑰气泡酒最早诞生于1900年代初，系全球最畅销嘅气泡酒品牌，入口甜滑高雅，口感圆润，以玫瑰嘅香气为特征，香气持久，伴随著樱桃、成熟柑橘嘅果香同鼠尾草嘅辛辣味，味道层次丰富细致。
第一只系日本蚝，蚝味比较清淡，口感清爽，作为开头就最好不过。
第二只系 Saldanha Bay，嚟自南非萨尔达尼亚湾，萨尔达尼亚湾三面环海且水质清澈，出产嘅野生生蚝自然肥美厚肉，蚝味较为淡口，海水味淡但清甜，肉质爽脆，余韵甜味丰富。
第三只系 Sentinelle，嚟自法国西南部嘅 Marenne Oleron，系法国推出嘅新蚝款，约养两年，带子位鲜甜而肉厚，蚝肉清淡而有鲜味。
Roland Lambert，法国 Lambert 林柏特生蚝曾荣获法国农业博览会 2015 年金奖，含丰富矿物味，肉质结实肥厚，蚝味细腻而充满层次，海水味适中，喺口中缓缓释出嘅矿物味令人惊艳。
Ancelin法国安莎莲蚝嚟自法国南部地区，系深海水域嘅蚝种，蚝壳呈珍珠白色，肉质结实，入口带有浓郁嘅海水咸鲜味同矿物味，但咬破蚝肚之后就会觉得清甜爽口，裙边和蚝身比较爽滑弹牙，
Ostra Regal，法国皇御蚝，受欢迎程度媲美Gillardeau嘅皇御蚝，属于法国家族品牌嘅生蚝，会先喺爱尔兰西北部嘅登纳格尔湾养殖两年，再运去法国中部班诺湾继续养殖，结合两国之魂，并为皇室指定生蚝。蚝身饱满，肉质肥美，甘甜带海水味而层次丰富，带有淡淡嘅果香，系完美结合咗海鲜甜味同和海水咸味嘅一只蚝种。
酥炸忌廉芝士粒，忌廉芝士粒炸得香脆，内里芝士软滑浓稠之余，芝士质素之高亦非坊间一般餐厅可比，一口一啖，送酒一流。
西班牙伊比利亚猪扒配季节蔬菜及烧汁，西班牙伊比利亚猪种猪味果然不同凡响，我最钟意连埋猪扒边缘嘅脂肪一齐食，猪味层次更加浓厚。配菜有薯蓉同埋炒杂菜，炒杂菜以少许茄蓉调味，同猪扒相当配衬。
张贴
