Blue Brick Bistro (已結業)

系公司附近有间西餐厅，平时午饭时间都有去，同经理倾开计，佢介绍我哋夜晚过嚟食饭，因为佢最近做咗个 promotion, 系叫一个主菜，再加$168可以两小时任食生蚝，由于我哋几个都系爱蚝一族，计落又几抵，决定试一试夜晚嚟到已经座无虚席，每一台都喺度食紧生蚝，我哋拣咗个主菜后，店员就开始拎生蚝过嚟，今晚有两款分别系美国同法国生蚝，美国生蚝好大只而且海水味都几甜，但系我本人特别喜爱法国，因为肉质更爽口而且更加清甜，配合埋佢𠮶三个酱汁就更加好味由于佢食完一碟隔一阵就会嚟第二碟，所以都算几均真唔会拖住你，但系当我地每人都食咗30几只嘅时候，就已经食唔落了，计落只系平均价$5 一只蚝，超满足所以跟住我哋都系决定饮杯嘢唞一唞，先至再食个主菜，我哋见到佢有呢个鸡尾酒半价优惠，就选择左一个沟绿茶嘅，味道好清新，因为佢有薄荷叶系入边，而且 Gin 酒味好香，容易入口最后食主菜，我选择左个安格斯牛扒，份量算好多，而且肉质好淋，无 over cook，但因为前段已经食得好饱，所以要慢慢食最后先食得晒，最后捧住个肚走（果然经理冇介绍错，如果你系钟意食蚝一定会好开心，性价比一流）