夢樂園 (已結業)

15:15下午茶时间，嚟到呢间猫猫cafe。未入门口，已经有两只猫猫迎接我。🐱🐱一入嚟，就见到墙上嘅壁画，店主话系佢自己亲手画嘅，好有特色，打卡一流。呢个时间叫lunch set 会抵啲。野食好快就嚟到，味道同service都系家庭式，好亲切。叫左肉躁鸟冬，花枝丸，同埋店主自己煲嘅冬瓜茶。食之前记得捞一捞个乌冬，咁就每啖都好味啦！等紧食物嘅时候，啲猫猫系咁八八挂挂地嚟揾我。原来呢个钟数系猫猫放饭时间，明明训紧觉嘅都突然变得好活跃，系到跑来跑去。店主好好人，仲俾咗啲零食我，等我可以近距离接触猫猫。劲得意呀！ ！原来呢度四只猫之中有两只系店主领养，好有爱心💗，一定要支持！如果系一家大细，或者拍拖，就更加要来啦。