霸王川莊 (已結業)

Yoho开左新一边，知道有好多餐厅新开左，霸王川庄原来都有份，终于唔洗出中环啦，即刻要试试！7点黎到，以为好多人，点知唔洗等位，直接入得～Order了川北凉粉，辣得黎酸酸地，好开胃呀～辣子鸡。之前食过既都炸得太㶶，太脆，呢间反而刚刚好，唔会干争争，恰到好处😛重头戏，水煮鱼，有得拣四款配料，拣左薯粉、莲藕、猪红、腐竹，加多左午餐肉。鱼好滑，所以配料入哂味，好正～原来standard都已经系中辣，辣到叫哂救命，即刻叫左水果茶饮，但辣得过瘾！炸蕃薯条，外层啲粒粒脆脆地，口感唔错。葱油饼，普通，辣到要食返呢啲平衡一下味蕾！其实仲叫左串烧，会提供几重调味粉俾你自由配搭，几贴心，不妨一试！