蠔站 (黃金廣場) (已結業)

Girl's night, 朋友刚考完试, 因为大家都钟意食蚝, 一于蚝一蚝佢庆祝！蚝站终于开到铜锣湾一于嚟试下, 不嬲都知佢啲蚝好抵食, 最吸引系十蚊一只精选蚝, 我哋两个女孩当晚就叫咗两打嚟试当日精选蚝系爱尔兰嘅 Dorriel , 平时好少叫呢只蚝食, 蚝好新鲜其实真系唔需要点任何酱汁就咁加啲柠檬汁已经好好味, 味道比较大众化, 有海水味, 肉质好滑, 入口真系有种滑落喉咙嘅感觉净系食蚝当然唔够饱啦, 当晚叫咗自家制焗蟹饼同炭烧澳洲羊架蟹饼好丰富, 真系食到蟹肉, 我一个蟹饼都食唔晒, 因为都有啲滞羊架我哋叫咗五成熟, 虽然出嚟个效果系有啲吓人, 但系食落口系接受嘅, 外脆内嫩加上芥辣同薄荷酱唔错, 有羊肉味, 但略嫌配菜有点逊色, 薯蓉唔够热同蒜头亦整得比较生, 可能时间唔充足, 但整体也满意的。值得一提系侍应友善耐心介绍每道菜, 服务很专业, 因为系新开所以如果要饮酒就暂时未有酒牌要自己外带, 呢一餐平均每人三百几蚊, 我觉得真系好化算