La Terrazza Bar & Grill (已結業)

呢间餐厅想食好耐，咁啱去沙田行街 ，就一于去食啦 ! 近黄昏六点 ，天气开始冇咁热，从新城市广场行出去，经过大会堂 ，从旁边嘅楼梯上去餐厅 。餐厅外面有个花园，都有餐桌 ，即系可以拣喺户外进餐。由于天气都系好热 ，当然会拣室内啦 。六点钟刚刚系晚市开始 ，我哋冇订位 ，侍应望下个订座 ，之后终于安排到个位置畀我哋。真系好好彩，原来今晚系full booking。我哋被安排到近窗嘅座位， 可以望到外面嘅小花园。 餐厅有好多落地玻璃 ，当时天未黑齐 ，透光度非常高， 环境系好舒适，适合情侣 黎二人世界。第一次嚟食， 稳稳阵阵咁拣咗晚餐，分别系煎羊架同煎带子天使面。餐汤唔记得影相 ，系磨菇汤 ，好入味。 当然可以再滑啲 ，随汤有个面包。羊架煎嘅火喉系好适中 ，唔会过火唔会太生，好香口 。我自己都钟意羊肉但系都接受唔到太重羊燥味 ，呢个呢就啱啱好喇，几有少少嘅羊肉味，又唔会太过燥。非常满意。带子大虾天使面我就觉得更加好 ，因为佢嘅带子真系煎得好好， 唔会老 ，但又带点香口 ，外皮煎到金黄色。 大虾亦都够新鲜 ，意粉嘅汁调较亦都非常好。整体上好满意会再嚟食。