美心烘焙所 (天耀廣場)

营业中

休息中

前两日行经美心烘焙所，见到新出既法式布甸面包同沙翁，睇起嚟咁吸引，当然唔可以错过啦 ~每日新鲜出炉既法式布甸面包，系限量发售，紧系要买多个啦。外表睇落震腾腾既布甸已经好自愈，我会原个大口品尝面包中间既布甸，充满蛋香而口感够滑溜，夹带淡淡既面包香气，法包厚薄比例适中，口感松软，唔会太腻，甜度亦啱啱好，冷食热食都咁啱，我除咗热食，都试过雪冻食，布甸仍然保持幼滑口感，又系另一番风味。沙翁大大个一粒，蛋香扑鼻，外脆内软，口感轻盈而且富香浓蛋味，虽然外层沾满砂糖但又唔会觉得太甜太腻，食落松化似蜂巢，觉得回味无穷。除咗法式布甸面包同沙翁之外，店里嘅其他烘焙美食都值得品尝，多款面包、西饼、糕点等都好用心制作，甜品控不妨一试。