焼肉ジャンボ

营业中

休息中

日本烧肉真系冇得输，食得到优质部位真系感动到落泪🤣。餐厅空间感好够，枱同枱之间都有嘢隔住，唔会有逼嘅问题，更加唔怕食完满身油烟味👍。食烧肉当然要饮啤酒啦😁。我点咗501号，有咩部位同埋点样烧，职员都有讲，不过太细声我都听得唔清楚😅，只知道最大𠮶块系职员帮手烧嘅😅。每块牛嘅质地都唔同，味道都系香浓嘅牛味，我就每块都烧几秒，肉汁丰富而唔会觉得油腻👍。最感动系最大𠮶块，一咬入口真系唔想吞落去😭，另一个想法就系，可以将呢块还原做一块牛扒，真系会食到爆喊🤣。跟牛嘅前菜、味噌汤、饭都系高水准👍，但有个问题嘅，就系我食501号，烧完𠮶块大牛肉，职员放咗去我同事𠮶度😱，因为个生鸡蛋喺佢度😓❗️咁即系职员一开始已经，掉乱咗我地两份餐盘啰😅❗️饭后冇甜品架🤣，要食就要去第二度揾喇😜。