牧羊少年咖啡館 (白楊街)

营业中

休息中

「牧羊少年咖啡 • 茶 • 酒馆」其实几年前都曾经黎过呢间分店，佢都算系最早期特式CAFE之一，记得当时至少都要等一个钟先入到座。时至今日，经过附近就同男朋友再黎试下喇，而咁岩我地依家都系plan 紧我地东京之旅嘅行程，去呢间旅游主题餐厅边hea边倾就更岩气氛啦。当日系平日，好彩地唔需要等位，入座率都至少有9成，而每张枱都有适当嘅空间距离，唔会有压迫感。室内环境微暗，依旧充满住旅游风同少少复古文青feel，几好打卡，今日就被安排左系外边，里面嘅气氛系会浓厚ｄ嘅。睇到店内嘅电视播住一d片，原来餐厅仲会不时有band表演。题外话，好钟意每张枱都有唔同嘅碎花枱布同小摆设，加添左色彩好缤纷至于餐牌，记忆中价钱就同以前一样咁上下，一般都系七十至百多左右。仍然系可以接受嘅。羽衣甘蓝沙津配巴马火腿 $76 - 羽衣甘蓝系一种非常健康嘅高纤食品，除左抗氧化之外仲可以护眼添👍🏻今日呢碟菜都算新鲜，但羽衣甘蓝嘅口感系会偏硬嘅，平时都会食开所以都唔会点介意。松子系有预先炒过，炒过会更香。呢款沙津系坊间就比较少可以食到，但呢个沙津汁落多d就更好。黑松露薯条 $58 - 薯条系麦记果款幼身薯条，点黑松露酱食。