曜謨串燒居酒屋

营业中

休息中

附近行完街想快快食完返屋企，随意入咗间居酒屋，估唔到又几有诚意，心思思想再去食。豚肉露笋卷豚肉好薄但肉味好浓，芦笋新鲜多汁，组合简单但好好味。蛋白猪肉卷睇个名都唔系好想像到系点，原来内馅系好厚嘅煎蛋白，煎得啱啱好仲系好水润，蛋味突出，值得一试。鸡翼串无论系用料定系烧嘅功力都好好，食得出系好新鲜嘅日本鸡翼，媲美日本高级烧鸟店嘅水准。 汁烧日本豆腐串软滑香口，木鱼丝系神来之笔。安格斯牛小排串软腍爆汁，满足到想食靓牛嘅心。日本津蚝偏细size，海水味浓，胜在非常新鲜。烧饭团烧到极脆，完完全全系煲仔饭饭焦嘅感觉。 三文鱼饭团比较清淡，食个鱼香味，大推明太子饭团好有咸香，如果加埋沙律酱就完美喇。