流記香港仔艇仔粉 (已搬遷) 新店位置

喺香港仔长大住咗几廿年最近先知道呢度嘅艇仔河，今日特登嚟试吓，你之前谂住打电话俾流叔，不过去咗留言，谂住去到海边撞下彩，好在冇失望而回，嗌咗碗艇仔米粉，喺艇上面煮，设备简陋，亦都唔好期望食物嘅质素和卫生，但系流叔嘅友善，从船上面递上碗艇仔河，感受到一份特别嘅心意，虽然质素只算系一般，不过够份量，都几多料，有叉烧白切鸡烧鸭鸡肾生菜一粒鱼蛋再配上葱花，鱼蛋都几爽滑弹牙冇雪藏味，$30一碗算系几抵，虽然要痞喺街边食，不过对住香港仔避风塘，别有一番风味，汤底比较偏咸同埋惊佢有味精，所以冇饮到，食完弃置嘅时候，就要行过几步附近马路坑渠，先倒走啲汤，然后再放入垃圾桶⋯⋯ 但整个体验几特别，喺香港已经难得一件绝无仅有，希望流叔会坚持下去！