Ent Restaurant and Bar

营业中

休息中

上次去大尾笃，见到开咗间新餐厅，叫Ent Restaurant and Bar，就打算去试下。原来系一间墨西哥泰国Fusion餐厅，装修行东南亚风，户外有好多藤椅。一入去就见到长长嘅bar枱，室内一啲都唔局促。我哋两个见经理咁热情推介啲招牌菜，好似全部都好正，决定全部嚟来一客，唔该!!首先上场嘅系南瓜汤，汤嘅质地较稠较，南瓜味好浓，饮落有少少南瓜蓉。点埋蒜蓉包食就啱啱好。我哋叫咗泰式沙津做前菜，味道普通，一如既往酸酸地，好彩啲料新鲜。M佬见到墨西哥pizza，虽然系一个素食pizza，都话一定要嗌，因为要睇下有咩特别。同意大利pizza唔同，𠮶批底系好薄嘅玉米饼底，好似酥皮咁。而上面铺满黑橄榄、蘑菇、红椒、青椒、芝士、番茄、芫茜，食落好香口，有少少辣，几特别，值得一试!!主角墨西哥猪肉卷到啦!!! 唔好以为里面只有猪肉，原来仲有吞拿鱼，青椒同菜，非常足料。加上用焗炉焗，入口香脆。加埋垫底嘅炒饭，吸晒啲肉汁，正呀!!另外，有睇开我哋之前嘅介绍，都知道我哋好钟意蕃茄酱意粉，今次呢个蕃茄海鲜意粉辣辣地，好有墨西哥风情，好开胃，啱晒我A姐!!呢度啲食物都比较浓味，如果唔食得辣嘅朋友，就未必啱啦