影片
更多
2024-10-24
2156 浏览
🐯感受港式经典，又点可以错过呢间餐厅？🐭 ⭐️按「更多」睇详细食评😋懒惰二人组同大家一齐去食下经典既餐厅啦! 今次我地黎到佐敦既「＃太平馆餐厅 」！今次我哋叫咗一个$265套餐-《瑞士鸡翼餐 Set C 》。套餐已连餐汤或者沙律，有超级经典既瑞士鸡翼三只﹑一份牛脷饭﹑一杯饮品同埋一个甜品。我哋亦另外单点了焗蟹盖 ($170)。《海龙皇汤 Sea Food Soup 》汤质地十分浓稠，而且味超浓郁🍤🦐。咸香得来有少少酸酸地嘅味道，都几开胃。而且都几大碗㖞，两个人share都可以分到每人一小碗。跟餐汤配既餐包松软，搽上牛油好好食😋《太平馆瑞士鸡翼（3只）TPK Style Chicken Wings in Swiss Sauce (3 pcs)》经典嘅 #瑞士汁鸡翼 又点可以唔食呢？瑞士汁嘅典故我哋唔喺度多讲，有兴趣嘅朋友自己去科普一下或者去佢哋餐厅睇吓佢嘅餐牌介绍啦🤣！味道真系比较Sweet Sweet！甚至系甜到我哋觉得有少少苦味？可能系啲豉油焦糖化咗。不过见到成只鸡翼都黑黑的，你可以想像到，系煮到有几腍同埋入味！《岑味牛脷饭 Salmis Ox-tongue with Rice》唔知点
懒惰二人组同大家一齐去食下经典既餐厅啦! 今次我地黎到佐敦既「＃太平馆餐厅 」！
今次我哋叫咗一个$265套餐-《瑞士鸡翼餐 Set C 》。套餐已连餐汤或者沙律，有超级经典既瑞士鸡翼三只﹑一份牛脷饭﹑一杯饮品同埋一个甜品。我哋亦另外单点了焗蟹盖 ($170)。
《海龙皇汤 Sea Food Soup 》
汤质地十分浓稠，而且味超浓郁🍤🦐。咸香得来有少少酸酸地嘅味道，都几开胃。而且都几大碗㖞，两个人share都可以分到每人一小碗。跟餐汤配既餐包松软，搽上牛油好好食😋
《太平馆瑞士鸡翼（3只）TPK Style Chicken Wings in Swiss Sauce (3 pcs)》
经典嘅 #瑞士汁鸡翼 又点可以唔食呢？瑞士汁嘅典故我哋唔喺度多讲，有兴趣嘅朋友自己去科普一下或者去佢哋餐厅睇吓佢嘅餐牌介绍啦🤣！
味道真系比较Sweet Sweet！甚至系甜到我哋觉得有少少苦味？可能系啲豉油焦糖化咗。不过见到成只鸡翼都黑黑的，你可以想像到，系煮到有几腍同埋入味！
《岑味牛脷饭 Salmis Ox-tongue with Rice》
唔知点解见到个汁里面𠮶几块蘑菇，就已经觉得好好食😂即刻勾起细个食铁板餐加烧汁嘅感觉！味道算系比较香浓。牛脷煮到十分腍，虽然佢有一定厚度，但系切痴落去都唔硬，而系一切即开！饭有炒香但味道比较淡，不过配埋啲酱汁就啱啱好！
《焗蟹盖》 $170
呢个都系经典菜式，将蟹肉同蛋浆等材料拌在一起，再酿回蟹盖焗。唔好睇佢上枱细细个蟹盖，但都焗到金黄色。每匙都系一丝丝既蟹肉，同其他店舖嘅焗蟹盖相比，比较干身，不过味道亦都唔错！就算放耐咗，食落去都几好味。😋
甜品可以选雪糕﹑椰汁奶冻或 啫喱。我地就要左一球雪糕~系云呢拿味。细细球咁作为今餐既结尾。
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
整体
❤️食物比较浓味，而且稍为贵咗少少啦！不过今时今日既香港，真经典真系卖少见少，又系果句，食情怀啦！🐭：我好最爱系佢门口既lace门帘，好有feel!
💚环境就系复古嘅港式餐厅，喺里面你绝对可以揾返老香港嘅情怀。啡橙米色tone墙纸，壁灯，相框等。一切都停留喺香港最美好嘅时。
💛服务方面，职员好，十分殷勤，亦都会同食客互动，叫一份餐 主动拎个碗仔俾我地分汤
常。
Rating：
懒惰鼠😻😻😻+0.5
懒惰虎 🤩🤩🤩+0.5
📍太平馆餐厅
佐敦茂林街19-21号地舖
💰人均消费：$240⏰营业时间：11:00am-00:00am
#懒惰在香港 #lazifooday #香港怀旧餐厅 #太平馆餐厅 #佐敦餐厅 #佐敦美食 #hkfoodie #hkfood #hkrestaurant #hkfoodblogger #hongkongfoodie #尖沙咀咖啡店 #jordonrestaurant #hkcafe #香港好去处 #香港打卡 #打卡餐厅 #留港消费
张贴