影片
更多
2014-10-02
2969 浏览
西贡系小联合国，区内不乏极具水准嘅各风菜式餐厅。呢间餐厅打正旗号做美洲菜，包括美国及墨西哥菜为主。门口好易认，大大个牛头标记。店内分上下两层，每一角落都放满装饰品如鎗、蛇头、兽皮等同泛黄印第安人照片，刻画美洲原住民嘅生活，坊间十分罕见。菜式都系同其他美式餐厅大同小异，而我比较偏好食美洲菜，尤其系STARTER。CHILI BOWL WITH GARLIC BREAD-$88呢个系用香料，红腰豆煮成嘅辣肉酱，十分惹味，配蒜蓉包，百吃不厌。QUESADILLAS-$88呢款系传统墨西哥薄饼，主要材料系薄饼包住半溶嘅芝士，再配四款酱汁，牛油果酱、酸忌廉、辣茄酱同蕃茄洋葱粒，虽然脂肪卡路里超晒表，但一口热辣辣松化薄饼配芝士已经非常美味，加埋微冻嘅酱汁真系停唔到口。KID RIB-$88呢个系是日惊喜菜式。好多地方都有猪仔骨供应，但唔系间间好食。好多时系唔够味或者肉质干且韧。要赞嘅系呢次食嘅KID RIB整得非常入味，而且肉质腍滑多汁，轻轻用刀一切已经骨肉分离，加上焗干咗嘅烧汁同阵阵烧烤味，唔够一分钟已经食晒。CHICKEN SALAD-$118食咁多肉都要食吓沙律平衡吓。呢个鸡沙律，系将鸡肉绞
西贡系小联合国，区内不乏极具水准嘅各风菜式餐厅。呢间餐厅打正旗号做美洲菜，包括美国及墨西哥菜为主。门口好易认，大大个牛头标记。店内分上下两层，每一角落都放满装饰品如鎗、蛇头、兽皮等同泛黄印第安人照片，刻画美洲原住民嘅生活，坊间十分罕见。
菜式都系同其他美式餐厅大同小异，而我比较偏好食美洲菜，尤其系STARTER。
CHILI BOWL WITH GARLIC BREAD-$88
呢个系用香料，红腰豆煮成嘅辣肉酱，十分惹味，配蒜蓉包，百吃不厌。
QUESADILLAS-$88
呢款系传统墨西哥薄饼，主要材料系薄饼包住半溶嘅芝士，再配四款酱汁，牛油果酱、酸忌廉、辣茄酱同蕃茄洋葱粒，虽然脂肪卡路里超晒表，但一口热辣辣松化薄饼配芝士已经非常美味，加埋微冻嘅酱汁真系停唔到口。
KID RIB-$88
呢个系是日惊喜菜式。好多地方都有猪仔骨供应，但唔系间间好食。好多时系唔够味或者肉质干且韧。要赞嘅系呢次食嘅KID RIB整得非常入味，而且肉质腍滑多汁，轻轻用刀一切已经骨肉分离，加上焗干咗嘅烧汁同阵阵烧烤味，唔够一分钟已经食晒。
CHICKEN SALAD-$118
食咁多肉都要食吓沙律平衡吓。呢个鸡沙律，系将鸡肉绞碎，再加沙律酱打匀，用雪糕勺整成球型上碟，既方便食用，而且卖相精美。
PORK LOIN-$198
叫番个MAIN COURSE食吓，猪扒比出面食到嘅，明显JUICY同松化，而最欣赏嘅系用烧烤方法烹调，锁住肉汁兼有炭烧味，感觉WILD,好有风味。配埋浓郁嘅蘑菇汁，食落唔腻口，兼有大自然嘅香气。另一亮点系作为配菜嘅炸薯条，已经戒咗M仔薯条嘅我，都忍唔住消灭咗半份。
是日美中不足嘅系，老板话由于酒牌问题，暂时无酒卖，直至另行通知，但唔反对客人自携酒水，仲可免开瓶费，如果早知，我哋自备餐酒，就真系完美。
张贴
