旦王花 - 泰越鍾情

营业中

休息中

经常听人推荐依间餐厅，决定同屋企人嚟试下！揸车嘅朋友要早少少到泊位，因为未必有位，泊车费系$20。环境空旷，坐户外更加有东南亚feel！泰式鲜虾金柚沙律（$98）柚子唔会酸，不过不失。泰式珍宝拼盘（$238）入面有串烧、泰式春卷等等嘅小食，性价比高，但唯一不足之处系好油⋯清迈铁板蚝仔蛋（$118）实物系大份量！蚝仔都好足料！海南鸡肉质嫩滑，意外地唔错！蒜蓉烤饼（$42）虽然无叫到咖喱，但净食烤饼都好食，好香蒜蓉味😋嚟到烧海鲜方面，分别叫左带子同大虾🍤。带子同虾都大大只，只虾仲有膏！值得一试呢。芒果糯米饭（$68）讲到泰国菜一定唔少得芒果糯米饭，但好可惜芒果无味⋯椰汁糯米饭就不过不失。整体嚟讲都食物唔错，环境虽然ok但硬件较旧，同埋如果无渣车就交通麻烦少少。