川居雲南風味米線專門店 (已結業)

食川居食咗有八、九年，由旧址洗衣街食到现址，对佢十分有感情亦十分爱戴。𠮶时食米线都唔系咁普及，觉得烟烟un un好得意，咁就钟意咗，都系因为川居。以前四眼仔老细成日看舖，而家少见咗，可能因为有分店关系，好事嚟嘅！好钟意焖汤汤底，别处难寻，好浓味，我谂应该落咗多款香料泡制，加埋配料新鲜，米线份量多，食得好满足。其他汤底都试过，如清汤、沙嗲、酸辣，而酸辣都几好，够哂酸，谂起嚟啲口水都喺牙骹渗出嚟，加埋啲炸酱、菇类已经够丰富。有食客话可能因为通涨，啲料少咗，系，你如果keep住每星期有去街市，唔好多，一星期一、两次，啲食物系不断加价，开间舖唔净止计食材价格，如舖租、人工、水电等都有加冇减，所以都明白配料份量可能会少咗！ok啦！可以接受啦！最正最抵食时段当然系下午茶啦！卄蚊松啲已经有交易，份量虽比正常时段细，但都可以食饱，又食到焖汤经已心满意足。仲有抵赞嘅系装修后间舖唔同哂！醒晨哂！