大力素食

营业中

休息中

见到有个大大嘅宣传招牌，就谂住入去试下，不过我估对比以前真系风光不再，连个牌扁名都唔系好清楚 个食字都冇埋。但入面都好多人，我地两个人要上上面果层搭枱，一张圆枱俾四pair 人坐，但感觉都可以，唔会太有压迫感。餐牌有好多野拣，因为我唔系好想食假素,即系咕噜肉呢啲，所以拣左云吞、金菇蟹肉扒西兰花同埋茄子酱爆鱼旦。讲左云吞先，个汤味道有啲似鸡汤，偏咸，唔知系咪落左味精。一碗总共有八粒云吞，啲皮都比较厚，入面有云耳同埋素肉，咬落去多汁同埋云耳好爽口，味道不错！不过食两三粒就觉得好好味，再食多啲就感觉有啲腻。 个底仲有啲旺菜食下！佢啲金菇会加埋罗白丝，蟹肉佢用蟹柳，但同普通蟹柳有少少唔同，口感偏硬。西兰花最好味，清甜，但整体冇乜特别。呢碟更加冇乜特别，本身以为酱爆鱼旦会有啲特别野，点知都系普通鱼旦味，茄子偏咸，有啲素肉丝系度。两个人食嘅话唔算大食嘅都足够，但183 蚊都唔平，会黎试多次佢啲假肉，睇下会唔会好味啲。