影片
更多
2021-01-02
1005 浏览
每年冬天我都会食蛇暖下身，今年天气咁冻，就梗系挂住碗蛇羹啦。可惜而家食蛇嘅店越嚟越少，往年食开果间，今年都冇开啦。于是乎揾到呢间蛇王弟，店面细小，由几位姐姐主理，店内贴到满满的各式各样东南西北的餐牌，又咖喱、又泡饭，同店名蛇王弟真系唔多配合。。。睇到眼花撩乱😐，所以直接点了一份大蛇羹。后面我问姐姐大羹有冇咩套餐，姐姐话加多碗糯米饭，一共九十几。我谂既然一场嚟到试食，就试埋个糯米饭咯。蛇羹大大碗，以我个人来讲，药材味稍淡，羹里面鸡肉多，蛇肉份量少，另外仲有云耳等。枱上面配料有柠檬叶、薄脆，柠檬叶用胶盒装住，切得好够丝👍🏻，但系好湿，唔系干身，痴埋一旧，唔知点解。而薄脆就有啲硬身，小脆。另外仲有浙醋供应，我冇放。糯米饭暖暖哋，唔够热，应该系煲果种，唔系炒嘅，我觉得比较普通。店内环境情况就真系，反正我入到店果刻，店内一个客都冇，但两边枱面都摆晒客人食完的碗筷，冇人执枱，可能啱忙完一浸呱。不过姐姐都好热心招呼，马上执咗一个位置俾我，但就冇抹到枱。而当我就快食完果阵，阿姐都出嚟用洁而亮抹其他枱。应该头先都系忙唔过嚟。我自己都系做餐饮，香港地经营小食店，的确唔容易，加上成年几以来的社会运动、疫情的
蛇羹大大碗，以我个人来讲，药材味稍淡，羹里面鸡肉多，蛇肉份量少，另外仲有云耳等。
大蛇羹
$75
25 浏览
0 赞好
0 留言
枱上面配料有柠檬叶、薄脆，柠檬叶用胶盒装住，切得好够丝👍🏻，但系好湿，唔系干身，痴埋一旧，唔知点解。而薄脆就有啲硬身，小脆。另外仲有浙醋供应，我冇放。
糯米饭暖暖哋，唔够热，应该系煲果种，唔系炒嘅，我觉得比较普通。
糯米饭
18 浏览
0 赞好
0 留言
店内环境情况就真系，反正我入到店果刻，店内一个客都冇，但两边枱面都摆晒客人食完的碗筷，冇人执枱，可能啱忙完一浸呱。不过姐姐都好热心招呼，马上执咗一个位置俾我，但就冇抹到枱。而当我就快食完果阵，阿姐都出嚟用洁而亮抹其他枱。应该头先都系忙唔过嚟。
我自己都系做餐饮，香港地经营小食店，的确唔容易，加上成年几以来的社会运动、疫情的影响，香港人应该多一份包容、理解、体谅，社会会更和谐。
用餐完埋单一共$98，感觉呢间似小餐厅多过食蛇店，香港做蛇店真系唔容易，改变都系为咗生存啫，加油吧。
大蛇羹
$75
20 浏览
0 赞好
0 留言
大蛇羹套餐
$98
28 浏览
0 赞好
0 留言
张贴
