Aloha (已搬遷) 新店位置

今日要去西湾河练合唱团,放工当然首先要去医肚啦,今日想食清d,系openrice望到呢间aloha就决定试下,佢系一间卖夏威夷式既鱼生饭既餐厅六点几去到无乜人,就去左买野食先,原来虽然佢得三文鱼,吞拿鱼,同虾,但佢每款都有几只唔同既style,我就叫左个aloha special tuna同go greek salmon,个base除左普通日本寿司饭,仲可以拣糙米,沙律或者加8蚊既彩虹藜麦,不过我最后都系要番寿司饭就算~成间舖无乜人,有既都系take away,静静一个人食都几舒服aloha special tuna有牛油果,芫荽,希腊乳酪捞吞拿鱼,d鱼无乜筋几好,捞埋黎食无左净系食刺身果d油腻感觉~~~至于个go greek salmon就系用希腊乳酪,青瓜同柠檬汁捞三文鱼,食落都几清新同埋开胃~除左呢两样野我仲加左个poke bomb,原来系腐皮包住旧饭同埋sober sake tuna,呢个tuna甜甜地几得意,又有麻油同埋清酒既香味~~呢餐都几满足,个感觉仲好似几健康咁(虽然我知应该唔系....XD)