東星餐廳

营业中

休息中

今日放假去九龙城剪头发，太多人等紧，唯有去附近揾嘢食，谂住食个早餐再等过，去到九龙城侯王道谂住食最出名𠮶两间餐厅食早餐，点知排长龙排到街尾，我太肚饿唔系好想等，见到对面有间叫东星嘅茶餐厅，见餐厅入面冇乜客人，咪入去谂住依饱个肚算数。入到去见到个餐牌，选择都唔多，叫咗个鸡扒肠仔出前一丁，𠮶个侍应同我讲话加$5，咁我心里面以为净系只系加$5。点知食完买单𠮶下，佢话收我$60，我当堂吓咗一跳，之后再睇返个餐单，先知原来加面要加10，即系$15，其实都冇所谓嘅，不过块鸡扒就真系好细块，连埋嘢饮$60食个早餐有点贵，加上𠮶度都冇乜服务态度，感觉上食过一次之后就唔会再有第二次。性价比真系低。如冇特别都唔会再帮衬。