千葉鳥

营业中

休息中

千叶鸟 (天水围)天水围天瑞路71-77号天泽商场1楼113E号舖今日返咗家乡🥳🥳🥳深海池鱼长崎县产$88夏日祭推介，日本JP直送。真心入口即溶，厚切，鱼质鲜嫩，零鱼筋，我感觉好似系你面前生切咁新鲜，高度推介。秋葵串烧两串$19柴鱼超多衬得超靓，配上秋葵的清新，鱼香味会喺喉咙渗出来，令到串烧提升左一个格局。串烧粟米三串$19牛油系滑到到跣咗落个碟，烧得个粟米好香，容易甩身入口，有咯咯声嘅感觉。剑先乌贼🦑$118夏日祭推介，日本JP直送。欣赏师傅嘅刀工，切到好似乌冬一样，每一条嘅厚度同埋长度都系一致。透白嘅视觉质感加上冰冻嘅口感，再加上𠽌一声入口嘅速度，简直系爽。点埋佢嘅姜蓉酱料，一绝。黑梅贝四只$78成只手指咁长嘅贝，厚身，弹牙爽滑，个肝绝冇腥味只有海水鲜味，配合埋海带一齐食，个清新感提升到另一个层次。千祈唔好忘记个萝卜，配菜都好食到癫，油渍味，好林入口即溶。串烧极尚雪花牛脷囊 $78非一般牛舌嘅感受，佢系牛脷嘅最深入嘅部份，咬落去嘅时候系有林爽而带有少少烟韧，食到索索声，肉质鲜嫩，点埋佢特制嘅芥末子酱料，师傅功力到家，烧得刚刚好，保持肉汁喷出嚟，果然系极上。