金船長餐廳 (已結業)

餐厅位于大角咀大全街，上次来都已经好几年之前了。原来餐厅装修过，一边墙整咗好多航海主题嘢，另一边墙就介绍餐厅嘅主打菜式。而头顶就整咗啲鱼网，放些塑胶贝类、鱼虾蟹、水泡等做装饰。感觉焕然一新，无以前咁老土。每张餐台上面都放咗不同的灯塔烛台，都几有心思。小食拣咗【黑松露菌酱意式马斯卡普芝士夹心比萨】和【法国鹅肝3oz苹果沙律】，主菜拣咗【美国肉眼牛扒12oz】和【焗金狮鱼柳】，饮品拣咗【黑牛】和【加州牛油果沙冰】，甜品就叫咗【心太软朱古力布甸】。【黑松露菌酱意式马斯卡普芝士夹心比萨】呢个原来系得过奖，墙上介绍的就是呢个pizza。有三个食法。第一个就是就咁食。面头有好多好香嘅芝士粉，里面就有黑松露酱。Pizza饼系好脆的。三样嘢夹埋嘅味道都好夹，大家都无抢大家的味道。第二个食法系，加些提子醋。我觉得提子醋嘅味唔特出，仲会整湿件pizza，减低咗个脆口感。第三个食法系，再加有机菜。感觉上，好似有种食椰丝的感觉，但系又将黑松露的味道夺去咗。所以，都系钟意咩都唔加，就咁食。两杯饮品一齐上。牛黑都好耐无饮过了，可乐底加朱古力雪糕，令人怀念。牛油果沙冰好 creamy，好有牛油果香，少少甜，好香滑。