一芳台灣水果茶 (已結業)

食饱饭，朋友话想饮🦌角既黑糖珍珠，不过之前经过见到条人龙都怕怕。最后转场去一芳，去到得几个人唔使点排仲有冷气凉。✨虽然身处美丽华，但价钱居然唔贵，最平$17已经有一杯，水果茶一向系我头号选择。✨黑糖粉圆鲜奶茶（$33)：朋友买既，抢黎试左两啖😍第一次饮黑糖奶茶，不过佢就无大热既虎纹，同埋佢既冰量同甜度都standard 左无得㨂。✨开头未搅得混，黑糖味都几浓。一啖已经饮到好多珍珠，佢d 珍珠够腍少少烟韧又香甜，系我最钟意既质感。之前饮过东喜茶，d 珍珠真系韧到车呔咁，饮完个胃滞左一个礼拜。✨对奶茶无咩研究，饮左两啖觉得几好饮丫，不过朋友话幸福堂好饮d, 个茶更香滑，搞到我都好想试😳。✨一芳水果茶（$30/M): 㨂左半糖，我觉得略为酸左d, 味道以热情果为主，但都饮到茶香。一路饮仲可以咬埋d 热情果核，卜卜声。虽然觉得酸左d, 不过好彩个底有d 菠萝粒，救番佢～下次我都系拣少糖，甜番d 好饮d~✨不过想食埋d 生果，个盖面有层胶膜实在太痴得太实，最后放弃左，呢下扣左少少分。但整体性黎讲呢间野感觉良好，可以一试。