影片
更多
2017-11-01
1350 浏览
朋友话带我食泰菜，个风景好特别㖞，但相约喺尖沙咀?! 尖沙咀个风景可以有几特别呢? 第一次嚟，去到二楼，一出䢂原来别有洞天，室内同露台融为一体，望到好多大树，好森林feel。啲树系九龙公园啲大树嚟架，喺楼下经过左无数次，估唔到楼上有咁嘅风景，好特别。我哋拣左露台位，够晒开扬又热闹，好似去咗泰国食泰菜咁。当然最正系而家正值秋天，秋高气爽，露台位张櫈又特别大size，一坐低已经觉得非常舒服轻松，可以放开怀抱大擦一餐。虽然只系平日，但无论露台同室内都坐满晒人，室内室外之间冇阻隔，所以坐边度都唔会感觉焗促。士多啤梨沙冰$58 - 鲜粉红色本身就相当吸睛，仲加咗朵紫色花就更加娇美。沙冰系用新鲜士多啤梨整嘅，味道天然，甜度适中。奇异果沙冰$58 - 呢杯颜色就冇咁吸引，不过都系用新鲜奇异果制作，味道真实。呢度啲沙冰都「冧」到高过只杯，不过由于距离杯边有少少距离，所以就算溶都唔会溶出杯外，唔怕饮到「Le咁hea」。食住泰菜饮鲜果沙冰，风味perfect match。爆炸蟹$398 - 味道有啲似避风塘炒蟹，分别就系佢加咗啲香茅令到成个感觉「泰式」咗。上菜𠮶阵蟹壳已经打碎左，基本上唔驶点用钳都食到，方
虽然只系平日，但无论露台同室内都坐满晒人，室内室外之间冇阻隔，所以坐边度都唔会感觉焗促。
士多啤梨沙冰$58 - 鲜粉红色本身就相当吸睛，仲加咗朵紫色花就更加娇美。沙冰系用新鲜士多啤梨整嘅，味道天然，甜度适中。
奇异果沙冰$58 - 呢杯颜色就冇咁吸引，不过都系用新鲜奇异果制作，味道真实。呢度啲沙冰都「冧」到高过只杯，不过由于距离杯边有少少距离，所以就算溶都唔会溶出杯外，唔怕饮到「Le咁hea」。食住泰菜饮鲜果沙冰，风味perfect match。
爆炸蟹$398 - 味道有啲似避风塘炒蟹，分别就系佢加咗啲香茅令到成个感觉「泰式」咗。上菜𠮶阵蟹壳已经打碎左，基本上唔驶点用钳都食到，方便进食。蟹肉鲜甜，可以见到啲蟹肉系一疏疏嘅，即系绝对新鲜。蟹盖多膏，蟹件又多肉，连蟹脚都长过个钳，真系好大只。餐厅亦提供手套，不过我就徒手食，同只蟹有亲密接触，有风味啲嘛，咁惹味嘅蟹食完仲可以吮埋手指。
新派美味老虎虾$298 - 面头系加咗忌廉嘅creamy咖哩汁，咖哩汁系偏向甜味。虾好大只，因为开左边，反左啲虾肉出嚟缩短左虾身，事实系原只虾系有一支叉咁长! 多肉之外，口感爽弹，极之鲜甜，接近头𠮶边仲有虾膏，感觉就算唔落任何汁或调味，斋食鲜味都已经足够咁。
盐烧鲗鱼$188 - 通常去食泰菜都会叫烧鱼，我钟意烧鱼系因为香口得嚟又保持到鲜味。条鱼新鲜，食落肉质嫩滑，肉汁丰富。稍为争啲就系有啲餐厅会将好多香草塞喺鱼身再烧，烧出嚟鱼肉吸收香味，呢度就略嫌塞得唔够多喇。
甜品我地叫左个芒果糯米饭$68 - 而家唔系芒果当造季节所以叫𠮶阵店员提醒未必够甜。唔理，照叫。其实食落又唔系争好远，糯米饭热辣辣，够粘又烟韧，蘸椰汁食够晒甜蜜，口感好好。配合返个露天环境，又令我感觉到而家身处泰国度紧假咁。
除左一般泰菜外，呢度仲有生蚝配白酒set，泰式甜品tea set，啱晒钟意三五知己一齐坐低轻食饮返两杯嘅朋友。露台个大萤幕仲转播英超赛事，比赛日相信会更加爆满。
揾日要嚟食返个下午茶，悠闲咁过一个下午，爽!
张贴
