Coffeeholic (已結業)

星期六放假总喜欢同朋友一齐搜寻咖啡店，今日嚟到上环嘅coffeeholic，门面小清新感觉，见到地方唔系咁大坐低左之后先发现原来仲有第二层。我点左个 all day breakfast 同一杯冻 latte，朋友点左一份意大利粉同牛肉，同埋一杯冻 mocha。首先上嘢饮嘅时候，咖啡拉花唔单止精美，从流线型嘅杯、仿木纹嘅杯垫同埋短身嘅饮筒，都足以令我地感受到呢间Cafe嘅细心。试埋个 all day breakfast，我非常之钟意用墨鱼汁染色嘅黑色面包！配搭埋牛油果酱同温泉蛋，口感一流。咖啡亦都好Rich，店员话俾我哋听其实佢哋母公司系台湾咖啡店，使用嘅系南非嘅咖啡豆，钟意饮咖啡嘅朋友一定要过嚟试吓！唔知道系咪因为系台湾公司嘅关系食物饮品服务全部都做得好足，令人满意。朋友话佢所点嘅牛肉同埋意大利粉都好好味，我觉得一间咖啡店除咗咖啡做得好之余，嘢食都做得好实在难得，真系好开心今日无意中发现左呢间咖啡店，令我之后放假多一个好去处。实在谂唔到呢度有边方面系唔值满分🙈