味道樂居酒屋 (元州街) (已結業)

阿女定咗位，去长沙湾一间不起眼的居酒屋小店补祝母亲节。6:45去到未算多人，7点几越嚟越多人，基本上已经满座，店铺细细座位并不多。但内裹的装修恍如置身于日本居酒屋一样。我哋都系第一次去食这间，睇到餐牌样样都想试，总共点咗6样食物。其中一款佢嘅招牌菜，原条成田酱炭火烧鳗鱼饭。鳗鱼饭一上枱，隔离枱即刻哗咗一声，因为鳗鱼真系好大条，而且饭嘅份量亦都好足，$138黎讲绝对系超值嘅。我好怕食到啲霉霖的鳗鱼，好彩佢条鳗鱼大大条好新鲜，厚肉兼爽弹，配埋鳗鱼汁好正！小食方面，我叫咗流心芝士鱼饼，中意食芝士嘅人绝对会中意食，鱼饼煎得好靓，带点金黄，入面包住流心芝士，一个人食一块刚刚好，食晒两块就好满足。另一款好特式嘅你蟹膏蟹肉炸豆腐，豆腐外皮非常薄脆，内裹很嫩滑，上面再铺咗一层厚厚而又浓香嘅蟹膏蟹肉，一浓一淡呢个配搭出奇地夹。吉列虾配芥末沙律酱，虾炸得非常酥脆而不油腻，点上店家自制的芥末沙律酱同吃实在好味到不得了，吉列虾就算放咗半个钟，食落仍然非常脆口，证明大厨功架了得。另外一款我好欣赏嘅烧汁大白鳝，一碟有2串。虽然大白鳝制作时间系最耐，大厨烧得外皮非常香脆，除保留肉汁外仲佷弹牙够新鲜，真系值得等嘅。牛