札幌拉麵屋

营业中

休息中

要系北角吃日式拉面，小弟必然光顾码头对面嘅札幌，贪佢有日式风味之余价钱亦相宜。水准当然不及中环嘅另一所sapporo，但这里还是吃得过的。屈指一算都有大半年冇来过。是夜拉面瘾起，又不想花太多银両，呢度自不然系最佳选择...虽然极肚饿，理应叫套餐，有面有饺子或donburi，仲唔够饱 ? 但见天时极热，不吃吃冷面，更待何时 ?通常吃日式冷面，配料大多系日式义烧，但是次见到有个叫海鲜嘅，好像颇特别，就来试试。话明系冷面，先决条件当然系够冻 --- 乘面嘅碗要预先放入冰箱冰一下，面亦要凉够弹口。这里嘅出品亦算合格；配料有虾、鱿鱼及蟹柳丝，当然不少得大量红姜丝及青瓜丝，加一点点黄芥辣更是必须。小弟一见到蟹柳丝当堂就眉头皱la，不过虾味颇甜，鱿鱼亦不会韧得像擦胶，已算收货...小弟反而觉得失望的是普通汤拉面嘅水准。试一口太座碗面豉汤底，完全不对味，不够浓，很淡，吃落似普通酱油汤底多一点(仲要系唔够味𠮶只)；义烧淡而无味，完全没有卤过嘅迹象；面亦渌得淰了一点，点搅架 ?有点失望，希望只是一时失手la...