兩草 (已結業)

同老婆去睇栋笃笑前，在公司附近找间餐厅食个快餐啦，一入门口就比佢既装修吸引左， 墙身贴左好多6-70年代既报纸广告，灯饰就用左红色灯罩的肉档灯，枱就用左旧时个只圆形折枱，店内仲播住许冠杰既歌，成个气氛好似返左70年代咁。唔单止环境，连价钱也十分怀旧，20-30元一个饭或小食，讲真宜家连食个早餐都唔得，虽然份量不多，但现在既惜食文化盛行，食物这样份量我觉得十分合适。食物质素方面，看得出师傅的心机和诚意，普通的菜色但一点也不马夫，我一边吃一边想起儿时个既片段，我会推介煎鱼饼和肉骨茶给你们试试，味道真的有屋企的感觉。