影片
更多
2024-03-04
1847 浏览
5点几walk in有位，同屋企人夹埋4个人，叫左个龙虾+烧鹅餐，藕片云耳炒百合，一字叉烧，同埋一枝啤酒。一黎到上只例牌烧鹅，份量唔算多，不过摆设几靓。今次有啲肥，旁边果几旧都几多肥肉，佢有蜡烛烘住，保持温度，一开头夹黎食比较冻身同肉质硬啲，后尾食最后果旧就好食好多。🧘🏻♀️小小建议系烘多一阵先再食。叉烧又系，烘多一阵好食好多，不过我今次依几旧都有筋唔易咬烂～云耳炒百合就份量好足，正常水准，豆同云耳爽口，感觉材料新鲜。食完烧鹅，云耳炒百合同叉烧，等左差唔多20分钟先黎到龙虾伊面，因为漏整（吹左几次先有），龙虾都好食，肉身唔会话好林好梅，伊面都几好，条条分明唔会一住野咁，不过就夹杂住龙虾既碎壳，食既时候要小心。另外分享一段小插曲～落单果阵本身叫枝大啤酒，后来都即时同staff讲转细啤酒，期间亦都无比枝大啤酒我地，由头到尾都系得枝细啤酒，但去到埋单就收大细啤酒两枝既价钱～之后仲碌左两次错数～变左前后出左6张receipt比我地。感觉好混乱。而且中途唔会有staff主动加水，骤眼睇人手都唔多，所以都只系要求加一次就算了。新开预左会有甩漏，野食唔差既，碗碟都靓，但地毡好多毛粒感觉污糟。过多排先
一黎到上只例牌烧鹅，份量唔算多，不过摆设几靓。今次有啲肥，旁边果几旧都几多肥肉，佢有蜡烛烘住，保持温度，一开头夹黎食比较冻身同肉质硬啲，后尾食最后果旧就好食好多。🧘🏻♀️小小建议系烘多一阵先再食。叉烧又系，烘多一阵好食好多，不过我今次依几旧都有筋唔易咬烂～云耳炒百合就份量好足，正常水准，豆同云耳爽口，感觉材料新鲜。
食完烧鹅，云耳炒百合同叉烧，等左差唔多20分钟先黎到龙虾伊面，因为漏整（吹左几次先有），龙虾都好食，肉身唔会话好林好梅，伊面都几好，条条分明唔会一住野咁，不过就夹杂住龙虾既碎壳，食既时候要小心。
另外分享一段小插曲～落单果阵本身叫枝大啤酒，后来都即时同staff讲转细啤酒，期间亦都无比枝大啤酒我地，由头到尾都系得枝细啤酒，但去到埋单就收大细啤酒两枝既价钱～之后仲碌左两次错数～变左前后出左6张receipt比我地。感觉好混乱。而且中途唔会有staff主动加水，骤眼睇人手都唔多，所以都只系要求加一次就算了。新开预左会有甩漏，野食唔差既，碗碟都靓，但地毡好多毛粒感觉污糟。过多排先再睇下情况帮唔帮衬🤔
张贴
