一心素食 (已結業)

早几日行过观塘，朋友就叫住我叫我上去呢间素食店食晚饭，我心谂有咩咁特别呢？唔系呀麻，餐牌上竟然有日本食物选择，我地两个拣咗三点前菜，蒲烧鳗鱼串，红菜头牛油果沙律，鲜淮山杂菜意式烩饭，意式鲜茄烩饭同两杯饮品。三点前菜放中间既菜，师傅将菜整成一旧咁，再淋上麻酱可以带出菠菜嘅鲜味，建议分两三啖食，可以回味口中既鲜菜味道。蒲烧鳗鱼串一睇就知师傅好用心去烧，鳗鱼金黄色不会感觉到有烧焦既部份，烧得啱啱好。红菜头牛油果沙律卖相好吸引，食落口酸酸甜甜，系醒胃佳选。两个烩饭好有意大利餐厅feel，一旧旧圆形淮山好像带子般，非常有新意，虽然我系第一次嚟，但我已急不及待同店内职员讲叫佢帮我预留听晚5位，要即刻同家人分享呢间素食店既食物🤣