影片
更多
2020-08-31
17 浏览
今日收工突然好挂住啊老表𠮶阵膻味，仲记得之前嚟食𠮶阵一行入门口都已经闻到𠮶阵扑鼻嘅膻香，实属爱羊人仕嘅心灵慰藉。冻柠茶，有水吧嘅餐厅永远都系加分嘅，唔洗吓吓都饮罐装嘢，啊老表无论柠茶奶茶汽水跟餐都一律平五蚊，冻饮仲同热饮同价添，少有少有。口水鸡率先送上，系我最钟意嘅鸡胸部位，口水鸡汁嘅味道甜甜地，唔会话好辣，非常惹味。水饺，呢度嘅水饺最正嘅地方系可以两只两只咁嗌，我地嗌咗白菜饺同韮菜饺，馅料胀爆，韮味浓郁，加埋跟住水饺一齐嚟嘅黑醋同枱枱都有嘅菜脯一齐食，好味到晕。避风塘辣鸡翼，4只鸡翼都系卖22蚊，真系抵到忍唔住追加，嚟到见到仲要系大大只嘅鸡翼即刻心心眼，味道香辣，外皮仲有少少脆身，属水准之作。羊肉酸辣大碗米线，咁耐无嚟梗系要嗌番个"大洋"嚟顶吓瘾，先呷一啖汤底，浓浓嘅羊味即刻充斥住口腔，感觉膻好，部份连皮嘅羊肉膻味更加 double up，分上嘅酸辣味道亦丰有层次，令人大感满足。除咗靓羊之外，啊老表仲有牛腩、牛肋、鸡肉、猪大肠、猪手同猪颈肉等等嘅非膻味菜式，唔钟意食羊嘅伴侣都可以陪我一同品尝，二人同行，一人食羊。
今日收工突然好挂住啊老表𠮶阵膻味，仲记得之前嚟食𠮶阵一行入门口都已经闻到𠮶阵扑鼻嘅膻香，实属爱羊人仕嘅心灵慰藉。
冻柠茶，有水吧嘅餐厅永远都系加分嘅，唔洗吓吓都饮罐装嘢，啊老表无论柠茶奶茶汽水跟餐都一律平五蚊，冻饮仲同热饮同价添，少有少有。
口水鸡率先送上，系我最钟意嘅鸡胸部位，口水鸡汁嘅味道甜甜地，唔会话好辣，非常惹味。
水饺，呢度嘅水饺最正嘅地方系可以两只两只咁嗌，我地嗌咗白菜饺同韮菜饺，馅料胀爆，韮味浓郁，加埋跟住水饺一齐嚟嘅黑醋同枱枱都有嘅菜脯一齐食，好味到晕。
避风塘辣鸡翼，4只鸡翼都系卖22蚊，真系抵到忍唔住追加，嚟到见到仲要系大大只嘅鸡翼即刻心心眼，味道香辣，外皮仲有少少脆身，属水准之作。
羊肉酸辣大碗米线，咁耐无嚟梗系要嗌番个"大洋"嚟顶吓瘾，先呷一啖汤底，浓浓嘅羊味即刻充斥住口腔，感觉膻好，部份连皮嘅羊肉膻味更加 double up，分上嘅酸辣味道亦丰有层次，令人大感满足。
除咗靓羊之外，啊老表仲有牛腩、牛肋、鸡肉、猪大肠、猪手同猪颈肉等等嘅非膻味菜式，唔钟意食羊嘅伴侣都可以陪我一同品尝，二人同行，一人食羊。
张贴
