閩南小食館 (已結業)

素知北角住咗好多福建人，但相对地食福建嘢嘅食店反而不多。只知响呢度及春秧街入面有一间...响屋企附近亦有一间老好清香。今次可以试作一个比较...相对上老好清香系一间比较"纯"嘅福建小食馆，而呢度就夹杂咗少少潮菜及广东菜...嚟呢度嘅最大原因当然系为咗个土笋冻la...呢款地道福建小食，当然唔系处处可以食到la。D人话好怕食冻入面嘅沙虫，我就一于好少理，先食之而后快...沙虫质感有少许烟靱，但颇鲜甜，配合汁冻再醮上麻豉油而食，不错...太座叫嘅马鲛蚝仔面线就水准一般。味太淡，蚝仔亦不够肥美，马鲛味亦颇腥，相信不喜欢吃鱼腥嘅朋友一定调头走...炒面线有蚝仔、鱼条、腩肉、虾仔、冬菇丝及椰菜丝等等嘅配料，炒得湿湿哋，最重要系加咗猪油炒，劣等菜肴登时飞上枝头变凤凰...再追加一碟五香鸡卷。皮炸得颇脆口，馅料亦足--- 冬菇丝、粉丝、芋头蓉、猪肉及鸡肉，份量够，醮上甜酸酱而食，开胃。若果五香味再重一点会更好...若果小弟嘅屋企或公司响附近，必定系常客..