大吉居酒屋 (已結業)

我之前嚟过几次就算唔系越嚟越好都肯定保持水准，今次嚟食见到有新菜式柏尔马火腿沙律及御品鲍汁烩花胶。刺身方面依然新鲜，而最高兴嘅系以为无油甘鱼，原来切好嘅鱼无货要再开，之后仲补返比我，其他放题好少会理你。鹅肝手卷系我心水推介，至于其他寿司都唔错。热食方面当然要试下御品鲍汁烩花胶，味道都ok嘅之后烧羊架都唔错(但放题之中有间仲好) 露笋惹味烩鲍鱼及瑶柱龙虾粥都有水准(以放题嚟讲)至于饮品及甜品方面就自助形式， 啤酒汽水应有尽有。差啲唔记得讲三个位以上会有矶烧海鲜但要事先预订(应该唔使加钱)而每一张枱会送一客象拔蚌刺身或者海胆二选一。我叫咗象拔蚌刺身真系好鲜甜可能星期六比较忙出菜慢咗啲，但差唔多做到零漏单而且经常主动帮你换碟值得称赞