Cucina

居外国嘅亲友陆续回港，好客嘅长辈们都会花尽心思筵席为其洗尘，其中周一晚特选于酒店意大利餐厅「Cucina」享用节令松露宴！马哥孛罗香港酒店就喺码头隔离，由中环搭船过海最快捷。如果搭的士或者私家车的话，司机可以停喺海运大厦顶楼露天停车场，十五分钟内出闸唔会有收费，行入餐厅两分钟即到，选择泊车仲可以凭电子消费扱飞免几个钟，位置比印像中方便。店子门外摆出闪亮嘅圣诞树同饰物，节日气氛浓厚。室内灯光柔和，傍晚时份，接待处旁个酒吧区可见不少酒客，为怕影响人家欢乐畅饮同谈心，XO仔都好识做冇影相相。十一人派对被安排入座最内侧嘅一张长枱，私人空间足，且阔落舒适。望出窗外仲有迷人嘅维港靓景，估计放烟花嘅日子最旺场。主人家早已定好七道菜餐单。并由主厨Andrea哥哥郑重介绍晚餐之松露主角，近距离拍摄大特写时已经闻到阵阵松露香，当真令人期待万分！桌上摆有齐备嘅自用餐具。人齐先送上面包篮，妈咪一食到包包内含果仁即提点细佬唔食得，𠮶刻先记得未通知服务生自己对果仁敏感，大病初愈就系咁大头虾。Amuse Bouche：为晚餐作序，每人都有一杯以金箔鱼籽酱点缀嘅海胆慕丝。餐前小食软滑鲜甜，开胃醒神。Fassona B