咖哩烤肉和印度餐廳 (已結業)

午餐套餐，羊肉咖喱，好濃香，冇乜油，中辣但不太辣，上枱覺得好細碗，點知都食淨少少，用嚟點烤餅足夠，但飯就未知，羊肉有羊味，4~5小舊，3個小薯仔。烤餅熱辣辣，好軟熟，有質地，有厚度，好容易黏到咖喱上烤餅，加咗芝士($16)， 有拉絲效果，芝士味唔濃，但整體好味道，好夠飽。味濃但冇手尾，我用手食，手指同口同胃都冇咖喱味留低，仲有罐可樂，夠凍。爽！不過餐廳冇人，得我一個，我見今日好凉爽，所以坐底食，有印度音樂播放，簡單英文溝通無問题，有機會再去，試埋印度飯＆奶茶😋