方太糕品舖 (已搬遷) 新店位置

今日行经庙街，经过呢间舖，突然心郁想食甜品，虽然店面比较陈旧，但见平时都有不少人帮衬，心谂应该系好嘢，同埋舖面有一对年老夫妇跟一个年轻人在工作，感觉很好，所以就决定买几种甜品返屋企孝敬埋屋企人。我叫了四个砵仔糕，两件椰汁马豆糕同一件桂花糕。买𠮶时见D砵仔糕面得好少红豆，于是跟前台的方太说可唔可以比D多豆嘅我。点知佢好冷淡咁答：「点样多D豆呀?我唔识睇呀。你自己睇啦，我唔知点睇。」跟住佢就做其他嘢了。我即刻为之愕然准备离开... 跟住有个企喺方太后面做紧嘢嘅后生仔就拧转头同我讲话：「个个差唔多㗎，D豆有时喺中间或者喺底。」咁好喇，听完之后我就决定买了。返到屋企首先食砵仔糕，老实讲，系好失望嘅... 首先，真系极少豆，豆亦冇口感（可能浸得太淋)，甜度又太甜，好似食紧一旧斋黄糖糕，极度失望，我仲买咗四个... 另外桂花糕整体ok, 椰汁马豆糕又系太甜，感觉好唔健康...本来谂住同屋企人开开心心食甜品，点知购买时已经要受气，而食物质素亦中下水平，冇下次了...