YOLO Cafe & Bar (已結業)

早排系网上见到呢间野 谂住同女朋友黎试下 点知中哂伏 入到去啲职员态度都唔太友善 串串贡咁 见到个menu都无乜兴趣 不过见一场黎到 照试下啦 主食选择唔多 扒类完全无 全部都系简单意粉同饭 价钱都偏贵 所以最尾叫左个二人餐 叫做抵食少少 沙律正常 个汤几香但好咸个意粉无味 仲有蛋壳😂 意大利饭个味还可以 但系太少珍珠贝 斋食饭咁鸡翼质素好一般 感觉系雪左劲耐食落有啲霉咁 系得个汁叫做好啲个Yuzu honey就劲淡 似饮紧水咁…食食下期间唔小心倒泻左水 但无人理过我地 啲职员围埋系到嘻嘻哈哈 仲要可以自己开左枱黎食水烟 心谂虽然无乜客姐 但起码都有番少少尊重同态度去对啲客呀 仲有想讲既系 可唔可以分番吸烟区同非吸烟区呢 隔离枱啲水烟成日攻埋黎 想食餐安乐茶饭都唔得 唔报控烟办都偷笑 最尾仲要收我加一 边到黎既自信同服务…装修就各花入各眼啦 系大厅个灯牌感觉好老套😂(纯粹个人意见) 同埋cafe黎讲无风格 唔知想行咩路线 打卡位亦唔多 感觉似酒吧多过cafe餐厅