大快活 (元朗商業中心)

营业中

休息中

晚餐黎左大快活食，餐牌就有好多野拣，但去到收银落单就咩都无，收银话佢唔得闲收牌，所以出面list嘅其实已卖哂。最后叫左三样野，一家三口share食。炸鱼加咖哩汁，炸鱼一大块，炸粉唔厚，几嫩，咖哩汁香口，但个饭比较冻。咖哩吉列猪扒饭，一大碗，呢个日式咖哩汁同上面果个港式咖哩汁差唔多味，汁较稀。猪扒软熟，炸得香口，拍得住专食炸猪扒嘅店架。铁板鸡扒配脆皮肠，一大盘，铁板枝枝响，倒啲黑椒汁落去即刻香味四出。鸡扒皮脆肉嫩，脆皮肠仔好有肉味，配菜有翠玉瓜，矮瓜同一球薯蓉，好味。野食系好嘅，但服务认真差，收银黑口黑面都算，执餐果个男人，呼呼喝喝，我见厨房已经拎紧出黎，但个男人死都要叫人返埋位等，听叫号啦，埋到位都未坐低咪叫左，都唔知为乜，黎食餐饭啫，唔使咁恶呀。