大灰熊廚房 (裝修中)

食到成肚气，等咗个半钟头，话个四人餐有四个𩠌，嚟得三个，见着啲员工做咗啲外买客先，个餐包四个汤，嚟得一个，跟住话其他汤已经无晒，原来又系俾晒啲外卖客，隔篱枱啱啱坐低𠮶两个，嗌咗冇耐都有得食，真系火都嚟埋。催多几催，啲员工都唔知自己做紧啲咩，张张枱都漏单，个老细又唔知去咗边。嬲得滞都买单算啦，点知收银𠮶个，都唔知点计数嘅，净系识加数唔识减数，少嚟嘅汤又唔扣翻俾我哋，算啦，呢啲咁嘅餐厅，都唔知点解可以喺高尚住宅区商场出现。OpenRice𠮶啲like都唔知边度嚟，自此之后，唔会再帮衬第二次。仲要俾钱嘅时候发现佢个冷气较到26同28度，不如唔好开啊。