櫻之滙素食料理 (已結業)

其实本人唔系第一次帮衬呢间餐厅, 都可以话系帮衬左几年都有赞无弹, 但今晚好明显水准大不如前, 叫左一碟星洲炒米,上枱嘅时候都未察觉, 但我地夹左落碗食落去嘅时候却发现系完全咬唔开, 系未熟, 当我地要求再整过一碟嘅时候, 自称店员嘅女侍应即刻摆出一副臭面再细声讲"D人真系麻烦嫌尖"我本身都无理佢, 点知再一次大力放上枱个碟仍然系之前个碟, 只系加左热水煲滚返之前我地个碟 (因为从份量睇得出, 我地之前每人夹左一碗, 所以碟中明显系比原来个碟少)。再上枱个阵店员依然一副臭脸, 当我地同佢理论个阵, 佢反过嚟寸我地话未熟就用滚水渌返熟佢啰 (成碟野变左浸水汤米)! 第一呢个系卫生问题, 第二呢个系服务态度问题, 第三呢个系食物嘅问题。我初时都好有礼貌咁同佢讲咁我地唔会要呢碟嘢食, 跟住店员坚称铺头系无得净cancell呢碟野, 诸多推搪, 又话老板唔响到唔可以取消野食, 又话食唔食系你地嘅事。 对唔住, 我真系永远都唔会再帮衬呢间 -  樱之汇素食料理。