發記 (已結業)

系上水放lunch期间，无啦啦落大雨，吓到我唔敢周围去！唯有系商场度周围行睇下有咩食。不过来来去去都系果几款，心痒痒无聊就走左去个街市熟食中心。哗原来个中心都几干净，同我想像中既污糟环境好唔同。（不过所谓干净，系比较同类熟食中心，相对上佢地方系比较大，位置多，走廊阔，亦冇明显地下湿晒咁，暂时见唔到咩老鼠等生物，算唔错）揾左间都几多人食既餐厅食饭，叫做发记。食物黎讲价钱质素都还可以啦，但要赞既系，佢地既态度真系好好。笑笑口又会同人讲笑。本身冇咩期望但系佢地既好态度令我几钟意。