上海香港麵家

营业中

休息中

帮衬左佢哋好耐，每次经过都会买栥饭食。但系近来员工态度愈来愈差，好似唔忧做咁。事缘某日下午三点行经，打算买个外卖粢饭。当时有两位员工如常在门口车仔档包粢饭，咪同佢讲‘唔该一个咸粢’。 两位员工一个继续剪油炸鬼，另一位继续食嘢，完全听唔到咁。等咗一阵，再讲一次，继续零反应。此时，另一位黑色衫员工舖内行出来，好肯定我同佢有眼神接触，完全漠视我嘅存在，继续同门口两位员工倾计。 等咗一阵，忍唔住黑色衫员工讲‘唔该，我叫咗好耐，要一个粢饭’。 终于有反应，斯斯然咁所台面取一个一早巳包好的粢饭。找钱时仲同我讲，等得耐咪唔好等啰！听完之后，真系一肚子气😡另外，目到一块包粢饭布跌落地下，员工当冇事发生，执起放在架上继续用😰今时今日咁嘅服务态度同衞生意识真系真心差。全港不只你一间粢饭店，我以后唔会再帮衬。