Teddy's Cafe (已結業)

某个星期六下午, 黎左呢度食tea. tea set选择唔多, 我地要左三文治同炸薯皮. 前者好行货, 同茶餐厅既无分别; 后者就似普通炸薯角多过炸薯皮啰. 虽然一个tea set不过廿几蚊, 唔可以要求太高, 但连热咖啡都完全唔热既话, 就好唔掂㖞. 同埋唔知系咪果日特别好生意, 要乜无乜, 搞到想order多d都无野好拣.唔得既仲有service, 唔够人手、等得耐、漏单唔在讲, 我见到既两位waiters, 一个板起面孔, 另一个直头有d黑面, 仲响客面前讲左少少埋怨对方既说话. 咁都算喇, 黑面果个响隔离台收拾既时候, 我想叫佢啦: "唔该......", 佢无应我, 我咪叫多次啰. 佢既反应系望都唔望我, 对住自己面前张台话: "讲啦!" 咁样. 于是我用番同样语气同佢讲:"埋单呀!", 佢先即刻抬起尊头, 望左我地一眼.莫讲话d野唔好食, 好食都无下次.